På mine reiserunder til alle kommunane i Nord-Trøndelag prioriterer eg festivalar og folkefestar. No sparkar vi i gang Steinkjerfestivalen med offisiel opning om ein halvtime.
Kveldens høgdepunkt blir så definitivt Turboneger (biletet). Men eg skal også få med meg Paal Flaata/ Gladioulus Storband m.fl og Bellman i kveld, evt Scum de la Norvége. I morgon er programmet proppfullt av godbitar. Eg vil prioritere TBA, Chris Lee, Madcon og mitt høgdepunkt for dagen som er The Australian Pink Floyd Show. Om eg får skyss heim på natta tar eg med meg CC Cowboys også. Det er derimot skikkeleg kjipt at eg går glipp av laurdagens band som Black Debbath, No Dawn, Satyricon, Kaizers Orchestra, Karpe Diem m.m.
I dag har eg deltatt på Skaperfestivalen i Steinkjer. Arrangementet er i tilknytting til Steinkjerfestivalen og handlar om suksessoppskrifter og dei gode ideane og gründerverksemdene som gjerne gjekk via nisje til marknad. Koblinga mellom kultur og næring er ein raud tråd med alle kulturinnslaga.
Akkurat no høyrer eg på Mona Halvorsen som blir intervjua på scenen (i rosa hår). Wikipedia skriv
Mona Halvorsen (født 3. august1963) er en norsk musiker og redaktør for bladet Alle Menn. Halvorsen tok over som redaktør i Alle Menn i 2004. Hun har fortid som roadie, punker, biker, fotballsupporter, rockvokalist og Blitz-aktivist. Hun har et karakteristisk utseende med sine mange tatoveringer og piercinger i ansiktet, samt punkefrisyre. Hun starta som layout-tegner hos Leif Hagen som 17-åring i 1980, og var der i et par år. På slutten av 80-tallet var hun vokalist i punkebandet Meduza.
Dette er dagens foredrag, definitivt.
Dama snakkar frå levra og får deltakarane verkeleg til å ville bryte frå det konforme samfunnet, bryte barrierar og stengslar og tenke annleis og nytt, med gi f%&#-mentalitet mot almenne forventningar. -og lukkast. Dagens sitat om å sjå lyst på livet: - å marinere dritt er det ingen som har godt av! I dag sit Mona gjerne i Lofoten og snakkar med måker, kattar og folk medan ho har delegert både eigarskap og drift av verksemder sørpå som til dømes den populære “restauranten” Royal junkfood i Oslo.
Margaret Thatcher ropte ut til verda “there is no such thing as society” og innleia nyliberalismens inntog over Europa. Privatisering og opne grenser for marknadskrefter skulle toge over velferdsstatar, også Noreg.
Gjennom 90-talet bygde vi meir ned velferdstilbod enn vi skapte nye. Vi solgte meir statleg eigarskap og privatiserte meir og meir. Ved inngangen til 2000 og fram til i dag har konkuranseutsetting og dårleg kommuneøkonomi blitt kvardagen for mange i offentleg sektor og offentleg eigde selskap. Så kom 2005. SV og SP fekk bli med i ei raud-grøn regjering og tøyla sentralisering og nedbygging av velferdsordningar.
Den raudgrøne regjeringa har betydd ein ny kurs i norsk politikk. I staden for skattelettar til dei rikaste har vi satsa på velferd og fellesskap. Noreg hadde likna meir på Island under finanskrisa om Høgre-sentrumregjeringa hadde fått fortsetje i 2005.
SV har utgjort ein skilnad. Det er vi som gjer Noreg raudgrønt. utan SV ville ikkje regjeringa sitt politiske rekneskap vore så raudt og grønt som det er i dag.
Valet i haust er eit verdival og eit val om kva for samfunn vi skal ha.
• Klimakrisa og finanskrisa krev nye svar og felles løysingar
• Det Noreg treng er meir raudgrøn politikk og SV er garantisten for ei raudare og grønare regjering
• Vi går til val for miljø, kunnskap og rettferd
Vi har eit godt utgangspunkt før valet. Ingen eller få lurer lenger på om ein stemme på SV er bortkasta. Før mista vi mange røyster på grunn av ”taktisk stemmegiving”. No viser vi at vi kan styre. Skrekkpropagandaen fra 2005 er borte. Det blir ikkje sosialisme og feminisme av fire år i regjering. Men vi har starta restaureringa og oppbygginga av ein utvikla og betre velferdsstat - til og med under finanskrisa. Bytter vi ut SV går vi tilbake til 2005 der nyliberalismens lokomotiv over grensene måtte stoppe. Klarer vi 10% eller meir vil erfaringa frå dei siste fire åra bety at vi er i stand til å endre mykje meir til det beste for folk flest.
SV var debutant i regjering i 2005. Mange sådde tvil om SV ville overleve i fire år. I følge Ketil Raknes på nettsamfunnet Twitter er dette historisk. Berre Bondepartiet har fullført i regjering i perioden 1931-1933. Historisk, ville Arne Scheie sagt om han var politisk kommentator.
- Til høsten er det ingen som lurer på om en stemme på SV er bortkastet. Vi har vist at vi kan styre, og vi har vist at vi gjør Norge mer rettferdig og miljøvennlig. Skrekkpropagandaen som ble spred av høyresida i 2005 er helt borte, seier Kristin Halvorsen til sv.no
Men dette betyr ikkje at regjeringsdeltakinga har vore eit barneskirenn.
- Vi trengs i regjering når Norge skal i internasjonale klimaforhandlinger. Vi kan ikke sende Siv Jensen når hun ikke en gang kan si hva som skal være deres posisjon. SV vil at Norge skal være et foregangsland. Vi fikk vernet Lofoten og Vesterålen i denne perioden, men til høsten står slaget på nytt, seier Halvorsen vidare som meiner 10% er innanføre rekkevidde. Les meir »
Det finst 8 el-bilar i Nord-Trøndelag. I dag køyrte eg ein av dei når eg besøkte NAF region Nord. Med utgangspunkt i stasjonen på Levanger tok vi ein køyretur med NAF sin el-bil. Bilen går stille, brukar nesten berre ei krone på mila og akselererer raskt opp i 90 km/t som er toppfart. Dette er bevist med mobilknips til venstre, el-bil er raske nok for trønderske vegar
At det berre er 8 slike bilar i Nord-Trøndelag viser at noko er feilslått i satsinga på bilar som går på alternativt drivstoff. Eg ser sjølv at om eg hadde skulla kjøpt meg bil i Nord-Trøndelag så har ikkje el-bilen kunna vore bil nr 1. Den fungerer ikkje til fjellturar som eg er så glad i. Turar over 30 mil til Oslo blir også langt. Men det er ein kjempefin bruksbil for innabys køyring. Eg trur vi må basere oss på at framtidas kraft ikkje er berre éin energikjelde som i dag, oljen, men mange som el-kraft, hydrogen, biodiesel osv. Det er lønsamt for folk å køyre på el. Det er faktisk nokså komfortabelt også. Desse burde f.eks vore standard kommunebilar over heile landet for det er ikkje eit problem, ikkje i Tana ein gong, å lade bilen om natta og køyre rundt til bygdas eldre som heimesjukepleiar. Inntoget av el-bilar vil kreve ein innsats i infrastruktur. Eg kjem sikkert tilbake til denne saka. Men ei kort oppsummering frå meg er at el-bil er (foreløpig) bil nr 2 for folk flest og er ein bil som må bli billegare sjølv om bruken er mangedobbelt billeg. Hybridbilen som går på mest mogleg miljøvenleg drivstoff kombinert med el-kraft er nok den mest kjøpte bilen i framtida. Dei største kutta i utsleppa av klimagassar kan tast på transport. Eg vil lære meir om dette. Før eg skriv meir, kva trur du er framtidas bilar? Når? Korleis?
Ein tørrflogefiskar drøymer om stunder som i går. Eg luska ned som ein indianar gjennom nokre buskar og trær kor eg fann ei fantastisk strekke med fleire store aurevak i ei klar elv i Snåsa. Det var meg, to laksender, sandsvaler og mobilkameraet. Eg sette meg på huk ved elvekanten og plukka opp floger som kom drivande ned og observerte kva auren tok. Eg sat på ein god imitasjon og venta på sjansen til å kome meg nærmare fiskane utan å skremme dei. Eit godt vindkast røska i vassoverflata og eg kunne vade meg ut i posisjon på ei grunne med nesten 360 grader kasteretning omkring meg med ventande fisk.
Den neste timen fekk eg augneblinken alle sportsfiskarar drøymer om. Du har rett flue, rett posisjon, ideelle forhold og du er der akkurat i rett tid. Strekka blei avslutta med seks aurer mellom 0,5-1,4 kg før det blei stille og eg kunne glise meg opp til gapahuken. Med unnatak av to til matauk blei dei andre pent behandla før dei fekk svømme vidare. Tok ein brukbar til i kveldinga og kan notere nærmare seks kilo fisk på tørrfloge under nydelege forhold. Takk til Gisle Sæterhaug, Vegard Jensvold, Ola Kristian Johansen og Frode Ryan for alle tiders tur i mi nye favorittelv!
Eg fekk eit rimeleg herleg oppslag i Snåsningen etter besøket kring Snåsamartnan. Bilete frå Jørstadelva med flogestonga, gode distriktspolitiske saker og ei god gjengiving av føremålet mitt med rundreisene i Nord-Trøndelag. Sjekk oppslaget her
På mine reiserunder til alle kommunane i Nord-Trøndelag prioriterer eg festivalar og folkefestar. No sparkar vi i gang Steinkjerfestivalen med offisiel opning om ein halvtime.
Recent Comments