I dag var eg på  befaring på ei av hjørnesteinsbedriftene i Nord-Trøndelag, Aker Verdal. Vi var tungt og godt representert ved mellom anna  Audun Lysbakken (Nestleiar SV), Mali Tronsmoen (Leiar SU), Arnfinn Monsen (Leiar NTSV), Henrik Jarholm (Leiar NTSU), Rose M. Flatmo (Fagleg leiar NTSV) og fleire til. Der diskuterte vi utfordringar og potensiale for industrien, spørsmål og utfordringar for arbeidsrettar og trygging mot permisjonar og bedriftas framtid m.m. Etter å snakka med verkstadklubben reiste vi til eit ope møte i regi av Verdal SV der Lysbakken innleia til debatt om SVs arbeidsprogram.

På industriområdet som er kjendt for å produsere gedigne fundament til oljeplattformar, stod tre fundament for off-shore vindmøller som ventar på å bli sendt sørover til Europa. Dette kjem eg tilbake til i ei eiga sak om potensialet for produksjon av fundament for off-shore vindmøller på Aker Verdal og bidra til at trønderindustrien kan vere i førarsetet for produksjon av havsbaserte vindmøller. Inntil då vil eg berre skrive at det verkeleg er godt å kome skikkeleg i gang med arbeidet for å danne eit godt kjennskaps og kunnskapsbasert grunnlag for valkampen i Nord-Trøndelag.