I Donald Duck er Donald fattig fordi han blir framstilt som dum, lat og sosialt fundert. Dolly blir alltid henta av Donald på kjøkenet og blir plassert i passasjersetet fordi det er kvinna sin plass. Medan Onkel skrue er rik fordi han er gjerrig, smart, arbeidsom og egoistisk. This is propaganda!

Kanskje var det på grunn av Donald og Dolly at eg blei sosialist og feminist? For sjølv om Andeby reproduserer patriarkatet og fremmer eit menneskesyn der einkvar er sin eigen lukkes smed, så får ein unekteleg tankar om at ei anna verd er mogleg for å gje Donald ein velferdsstat som er eit tryggingsnett som sikrar han økonomisk når han er uheldig.

Og det er meir å hente her. Eg synst, for å vere ærleg, at det er bekymringsfullt at B-gjengen ikkje får meir oppfølging. Makan til vane- og gjengangskriminelle skal ein leite lenge etter. Samstundes finst det mykje godt i dei, dei kan forbedrast. Har vi sett dei forsøke ein dags ærleg arbeid? Eg foreslår fridom under omsorg og meir arbeidsrelatert soning.

Eg er også bekymra for Bestemor Duck. Det foregår store forhandlingar i WTO-systemet som vil få store konsekvensar for små-skala landbruk. I tillegg står vi i fare for å få ei FrP-Høgre-regjering som vil kutte i landbruksstøtta. Korleis skal ein kunne drive nisjedrift og småbruk når ein berre har Guffen til hjelp? Vern om landbruksmodellen og småskala landbruk. Vi vil ikkje at Bestemor Duck må flytte inn til Andeby og førtidspensjonere seg i ein trang bygård?

Ole, Dole og Doffen er utvilsomt skoleleie og potensielle drop-outs. Dei bergar rett nok på grunn av organisert og frivillig verksemd gjennom Hakkespettane som gir dei mestringskjensler nok til å ikkje byrje med dop og kriminalitet. Dette er jo gode gutar! Kva har det seg at dei ikkje klarer skolen? Den tidlegare sosialdemokratiske “Enhetsskolen” har tatt motet frå dei. Og no slit dei med den auka individuelle konkuransen elevar i mellom. Privatskolar er ikkje løysinga, for Onkel Donald vil ikkje ha råd og Skrue vil ikkje betale skatt nok til felleskassa for å bidra til samfunnet. Vi må oppretthalde eit offentleg skolesystem for Ole, Dole og Doffen, men vi har lang veg å gå på å forbetre kvaliteten i undervisninga. Kva har det seg at ingen lærarar i Andeby har tenkt på å ta utgangspunkt i gutanes genuine interesse for natur, folk, land, matematikk, språk, samfunn, historie osv når dei kan legge hakkespettboka til grunn? Korfor må dei trompast gjennom det same pensumet som alle andre elevar med liten grad av sjølvvalte tema?

Eg vurderer å flytte til Andeby å lage ei SV-liste ved neste kommuneval!