Skriv under mot nedlegging av fritidsklubbar!

http://www.opprop.no/opprop.php?id=motkutt

Hurra! I dag er det den japanske takkefestdagen for arbeidet.

Eg har knapt sett meg i stolen som konstituert dagleg leiar på jobben før eg har gjort ei nytilsetjing. Nina går snart av med pensjon etter lang og tru tjeneste på kontoret. Ho har kopiert og kopiert, men ser no at utviklinga har tatt ho igjen og at ho no vil tilbringe meir tid saman med kjælredeggene Blekkulf og Noa Ark.

Per har fått sparken på grunn av ustabilitet og upåliteleg oppførsel over lenger tid etter å boikotta sentralkommunikasjonen ved å nekte å ta i mot fax frå andre og vere vrang når fax skal sendast.

Unikt for Tromp.no sine lesarar vil eg presentere min nye medarbeidar som vil tiltre snarleg i stillinga som tekst og bildekommunikasjonskonsulent. Asterix!

Han vil bli tilsett på akkordløn med fast månadsløn lik Ninas. Nytilsetjinga påfører dermed sekretariatet mitt ingen eller få ekstrakostnader, derimot ny kompetanse og moglegheiter.

Asterix er multifunksjonell kontormedarbeidar som både kan faxe, kopiere, stifte, brette brosjyrar og har mange ulike format. Mor og Far, Konica og Minolta, vil snarleg overlevere han til oss. Vi glær oss!

Vi har spelt uavgjort mot Chelsea på Stamford Bridge og grusa Valencia heime og borte. Som Tettey sa; vi har vårres eigen cup vi!

Champions League pokalen ska hem!

Eg har tidlegare skrive at eg no går rundt med eit donorkort på meg. Dette for at andre som manglar vitalitetar i sjukdom og skade skal kunne få lever, nyre, hjarte eller andre dei skulle trenge for å kunne leve vidare.

Eg får ikkje betalt for dette. Det er høgst frivillig, og etter mi meining eit godt (potensielt) offer for andre menneske. I løpet av livet mitt har eg gjort mykje som kan karakteriserast som tjenester og innsats for menneska utan å få betalt for det.

Når eg klagar på at eg ikkje får betalt for det, seier alle at eg skal få mi løn i himmelen. Som om det ikkje var nok med at eg alltid må gå med eit donorkort på meg for å kunne overlevere vitalitetar ved min daud, så må eg no også alltid gå med skattekortet på meg. For det hadde vore litt keisamt å måtte betale 50% skatt når løna i himmelen skal utbetalast berre fordi eg gløymer å levere skattekortet i perleporten.

Apropos det. No går ein god skjerv av månadsløna mi til pensjonssparing/ forsikring. Dette blir mykje pengar etterkvart. Kva om eg døyr ung, organane mine blir donert og eg får mi løn i himmelen skatta etter skattetrekkstabellen min? Kan eg då trekke frå dei unytta pensjonspengane på likninga? Eg må spørje han Jesus, det er jo han som har ansvaret for, talar i og om likningar.

Kanskje skatt ikkje eksisterer i himmelen? Det er kanskje eit skatteparadis? Eg har uansett høyrt at det er skyhøge løningar. Det er heller ingen lønsskilnader trur eg, fordi ein ikkje gjer forsjel på folk. Men den private eigedomsretten eksisterer veit eg, for det er ikkje lov å stjele kvarandres heilage åndsverk. I så måte tenkjer eg å lage sosialistiske studiesirklar der oppe om marx and engels saman med prinsessa.